სივრცის მოწყობისას მნიშვნელოვანია განსაზღვროთ თქვენი მოლოდინები და სურვილები, რა გსურთ და რა გინდათ რომ მიიღოთ საკუთარი სახლისგან. დაიცავთ სიმეტრიის მკაცრი წესებს თუ შექმნით თავისუფალ, თქვენზე ორიენტირებული გარემოს? სწორედ ამ კითხვებზე პასუხის გასაცემად წარმოგიდგენთ სიმეტრიული და ასიმეტრიული ინტერიერის მიდგომებს და სასურველი შედეგის მისაღწევად პრაქტიკულ რჩევებს.

ასიმეტრიული ინტერიერი

ასიმეტრია ერთგვარი თავისუფლების შეგრძნებაა. შესაძლებლობა, რომ ყოველგვარი სიმეტრიისა და იდეალური წყობის გარეშე საკუთარი, სურვილის მიხედვით განსაზღვროთ ავეჯისა და დეკორის განლაგება. არსებულ სივრცეში არ იქნება მკაცრი და ფორმალური ინტერიერი, რაც სივრცეს უფრო მყუდროს და კომფორტულს გახდის. ასიმეტრია ოთახში სასიამოვნო სიურპრიზების შემოტანის საშუალებას გაძლევთ და ასახავს თქვენ ყოველდღიურობასა და განწყობას. 

ასიმეტრიული ინტერიერის მიღების 3 პრაქტიკული რჩევა:

• კარგი იქნება თუ ავეჯსა და განათების წყვილ რაოდენობას არ შემოიტანთ. კენტი რაოდენობის ნივთის დახმარებით მარტივად და ეფექტურად სივრცეში ასიმეტრიული ეფექტის შექმნას. 
• გამოიყენეთ მოულოდნელი და ორიგინალური ფერები. უცნაური და განსხვავებული ფერების გამოყენებით ოთახში შექმნით სასურველ კონტრასტს. 
• არ დაგავიწყდეთ და დაიცავით ბალანსი. ეს ასიმეტრიული დიზაინის შემთხვევაშიც მნიშვნელოვანია. მაგალითისთვის, თუ თქვენი ოთახის ერთ კედელზე მოთავსებულია დიდი ნახატი, ხოლო მოპირდაპირე მხარეს — პატარა სარკე, ბალანსისთვის დამატებითი დეკორი დაგჭირდეთ, რომ სივრცე შეავსოთ. 

სიმეტრიული ინტერიერი 

სიმეტრიულად, მკაცრი, წესების დაცვით განლაგებული ავეჯი სიმეტრიული ინტერიერის აუცილებელ საფუძველს წარმოადგენს, რომელიც ათასწლეულების განმავლობაში დიზაინის ფუნდამენტური ნაწილი იყო. როდესაც აწყობთ ბინას იაზრებთ თუ რამდენად დიდი დროის გატარება მოგიწევთ აქ, შესაბამისად მნიშვნელოვანია რომ სიმშვიდისთვის გარკვეულ საზღვრები წინასწარ დააწესოთ. ვინაიდან ჩვენს სამყაროში ღრმად არის ჩადებული სიმეტრიის აუცილებლობა, ჩვენი ცნობიერი მიმართულია გარშემო სიმეტრიის და ბალანსირებული განლაგების აუცილებლობისაკენ. 

სიმეტრიული ინტერიერის 3 მთავარი წესი:

• ცენტრალური ღერძი - კარგი იქნება განსაზღვროთ ოთახის მთავარი ფოკუსი და წარმოიდგინეთ ხაზი, რომელიც მისკენ არის მიმართული. ეს ფოკუსი შიძლება იყოს ბუხრისაკენ, ტიხრისკენ ან სხვა არქიტექტურული ნაწილისკენ მიმართული.
• წინასწარ განსაზღვრული განათება -სივრცეში მნიშვნელოვანია სანათები და დეკორი სიმეტრიულად, ლუწი სახით გავანაწილოთ, რათა შუქი კარგად განაწილდეს და სივრცეც შეივსოს. 
• ნუ გახდებით ყოველი სანტიმეტრით შეპყრობილი - ეს ყველაფერი მხოლოდ გონების აღქმაა, რომელზეც მოქმედებს ბუნებრივი განათება, დეკორი, ხედები, ფანჯრებისა და კარების განლაგება.